Introvert လို့ပြောလိုက်ရင် ရှက်တတ်တယ် ခံစားချက်များတယ် စကားမပြောရဲမဆိုရဲ မပြောချင် အေးတိအေးစက်နိုင်တဲ့လူတွေလို့ပဲ အလုပ်တူတူတွဲလုပ်ရတာခက်မှာပဲလို့ တန်းတွေးမိကြမှာပါ။ ဒါပေမယ့် ကိုယ်တိုင် INFP personality ရှိတဲ့အတွက် ပြောနိုင်တာတစ်ခုက Introvert တွေအကြာင်းက ဒါအကုန်ပဲတော့ မဟုတ်ပါဘူး။

ကျွန်မတို့ Introvert တွေက အဲ့ဒီ လူတွေထင်တဲ့ ပုံသေကားချပ် sterotypes တွေထက်ပိုပြီးရှုပ်ထွေးပါသေးတယ်။ သူများတွေထက်ပိုပြီးတော့ လုပ်နိုင်တာတွေလည်း အများကြီး ရှိတတ်ကြပါတယ်။ တစ်ယောက်တည်း အတွေးတွေ တွေးနေတတ်ကြသလိုပဲ စိတ်ကူးထဲမှာပုံဖော်ပြီး unique idea ရတာတွေအများကြီးရှိတယ်။ တခြားသူတွေနဲ့ deeply empathize လုပ်နိုင်တာကလည်း မွေးရာပါ အရည်အချင်းပါပဲ။ ဒါ့အပြင် creativity ပိုင်း spark တွေလဲရှိတတ်ကြလို့ Design ပိုင်းမှာဆိုရင် unique ဖြစ်တဲ့ အမြင်ပိုင်း အားသာချက်တွေရှိတတ်ကြပါသေးတယ်။

UI/UX Design Career က Introvert တွေရွေးချယ်နိုင်တဲ့ field တွေထဲမှာ တစ်ခုအနေနဲ့ပါဝင်ပါတယ်။ အမြဲ socialize လုပ်နေစရာမလိုဘူး။ ဒါပေမယ့်လည်း communication ပိုင်းမလုပ်ရဘူးလားဆိုရင် အဲ့လိုတော့မဟုတ်ပါဘူး။ အလုပ်နဲ့ပတ်သက်တဲ့ meeting, presentation, နဲ့ brainstorming session တွေတော့ရှိပါတယ်။ အဲလိုဆိုတော့ introvert တွေရဲ့ ဘယ်အချက်တွေက UIUX Career နဲ့ ကိုက်ညီတာလဲ?

1. Embracing Our Quiet Power

Introvert တွေရဲ့ အရည်ချင်းတွေထဲကတစ်ခုက စိတ်ကူးထဲက ပုံရိပ်တွေကို ကွက်ကွက်ကွင်းကွင်း ပုံဖော်နိုင်တာ ရှုထောင့်မျိုးစုံကနေ တွေးနိုင်တာပါပဲ။ ကိုယ်ကပြောတာထက်သူများပြောတာ နားထောင်ပေးတတ်ကြတယ်။ empathy ရှိကြတယ်။ ဒါတွေက brainstorming လုပ်တဲ့အခါတွေ နဲ့ user experience ပိုင်းအတွက် empathy တွေးပေးတဲ့အခါမျိုးမှာ အားသာချက်ဖြစ်သွားနိုင်ပါတယ်။ UI/UX လို Product Design တွေ ဆွဲတဲ့အခါကျရင်လည်း ဒီတိုင်း product တစ်ခုကို ကြည့်ကောင်းအောင်သပ်သပ် ထိုင်ဆွဲနေတာသပ်သပ်မဟုတ်ပဲနဲ့ user တွေနဲ့ deep emotional level တစ်ခုမှာ ဆက်စပ် တွေးပေးနိုင်တယ်လို့ထင်ပါတယ်။

2. အလုပ်မှာဘယ်လိုအကောင်းဆုံးလုပ်နိုင်ကြလဲ?

2.1 Energy Management

Introvert တွေအနေနဲ့က productivity နဲ့ creativity ကို energy level က drive လုပ်တဲ့အတွက် energy ကို သေချာလေး manage လုပ်တတ်ကြတယ်။ လူကြောက်တာ ရှက်တာလို့ထင်ကြပေမယ့် တကယ်ကမဟုတ်ဘူးလို့ပဲပြောရမယ်။ အတွေးတွေ တွေးဖို့နဲ့ တခြား creative process တွေအတွက် energy ကို ချန်ထားရတာမျိုးပေါ့နော်။ ဒါကြောင့် တခါတလေ တခြား social interaction တွေမရှိပဲ အလုပ်ကို လုံးဝအာရုံစိုက်ပြီးလုပ်နိုင်မယ့် တိတ်ဆိတ်တဲ့ ပတ်ဝန်းကျင်မျိုးကို လိုအပ်ကြတယ်။ အလုပ်လုပ်ရင်လဲ work hard ထက် work smart ပိုင်းသွားတာများတယ်။ UI/UX က ဒီဇိုင်းဆွဲနေတဲ့အချိန် တိတ်တိတ်ဆိတ်ဆိတ်နဲ့လုပ်လို့ရပြီး work smart နဲ့ လည်း ကောင်းကောင်းလိုက်ဖက်တဲ့ career ပါ။

2.2 Effective Communication

Stereotype တွေကပြောတဲ့ပုံစံနဲ့မတူတာက introvert တွေက ပေါင်းသင်းဆက်ဆံရေးမညံ့ကြပါဘူး။ communication ကောင်းကောင်းလုပ်နိုင်ကြပါတယ်။ **အထူးသဖြင့် လိုအပ်တဲ့အချိန်တွေမှာပေါ့။** ဒါပေမယ့်လည်း small talk အလာပသလာပ ပြောတာမျိုးကျတော့ မလိုအပ်ပဲ energy ကုန်လို့ သိပ်မပြောတတ်ကြဘူး။ အဲ့နေရာမှာ energy တွေမသုံးချင်ဘူးပေါ့။ အဲ့လိုမျိုးထက် meaningful ဖြစ်တဲ့ conversations တွေ၊ စဉ်းစားစရာတွေရှိတဲ့ conversation မျိုးတွေပိုကြိုက်ကြတယ်။ သူများပြောတာကို သေချာနားထောင်ပေးပြီး သူ့ဘက် ကိုယ့်ဘက် ကြည့်ပေး နားလည်ပေးနိုင်လို့ teamwork အနေနဲ့ဆို great collaborators တွေ great team players တွေဖြစ်နိုင်ပါတယ်။ UI ပိုင်းဆွေးနွေးတာ requirement နားလည်အောင်လုပ်တာတွေမှာ introvert တွေက ကောင်းကောင်းလုပ်နိုင်မှာပါ။

2.3 Balancing Collaboration and Independence

Independently အလုပ်လုပ်ရတာကြိုက်သလို လုပ်လည်းလုပ်နိုင်ကြတယ်၊၊ collatorate လုပ်ရတာနဲ့ independently အလုပ်လုပ်တာ တလှည့်စီ လုပ်လို့ရမယ့် လုပ်ငန်းခွင်မျိုးနဲ့တော်တော်အဆင်ပြေကြတယ်။ ဘာလို့လဲဆိုရင် သူများတွေနဲ့ idea တွေဖလှယ်ရင်း အပြန်အလှန်ဆွေးနွေးရတာ problem solving လုပ်ရတာတွေကြိုက်ကြသလို ကိုယ့် concept နဲ့ကိုယ် ခေါင်းထဲမှာ information တွေပြန်ပြီး digest လုပ်ဖို့ analyse အချိန်ကောင်းကောင်းတစ်ခုလဲ သုံးဖို့လိုကြလို့ပါ။ ဒီလို တလှည့်စီ အချိန်ယူတာက introvert တွေရဲ့ သူမတူတဲ့ creativity နဲ့ productivity အတွက် key ပဲလို့ပြောလို့ရပါတယ်။

Extroverted Colleagues တွေသိစေချင်တာက

Press enter or click to view image in full size

Photo by Helena Lopes on Unsplash

Respect Our Need for Space: Recharge လုပ်ဖို့နဲ့ idea တွေ တွေးဖို့အတွက် တိတ်ဆိတ်တဲ့အချိန်လေးတွေလိုအပ်ပါတယ်။ ဒါပေမယ့် ဒီလိုပြောလို့ အလုပ်မှာ engage မလုပ်နိုင်ဘူးလို့ဆိုလိုတာမဟုတ်ပါဘူး။ ဒါက ကျွန်မတို့ရဲ့ energy ကို manage လုပ်တဲ့ ကိုယ်ပိုင််နည်းလမ်းပါ။ ဒီလို space ပေးတာက အလုပ်မှာ ပိုပြီး thoughtful ဖြစ်ဖြစ် effective ဖြစ်ဖြစ်နဲ့ contribute လုပ်နိုင်ဖို့ ကူညီပေးသလိုပါပဲ။

Encourage Deep Conversations: introvert တွေက small talks တွေမပြောကြရင် အပြစ်မမြင်ပဲ deep conversation မျိုး လိုအပ်ရင်ပြောပါ။ meaningful ဖြစ်တဲ့ conversations တွေကို ပိုကြိုက်ကြတယ်။ တကယ်လိုအပ်တဲ့ conversation တစ်ခုကပိုပြီး နက်နဲလာလေ introvert တွေက ပိုမျှဝေခံစားပြီး အကြံပေးနိုင်လေပဲဆိုတာတွေ့ပါလိမ့်မယ်။ ဒီလို conversation တွေကနေတဆင့် Introvert တွေရဲ့ သူများနဲ့မတူတဲ့ idea တွေ innovative solution တွေထွက်လာနိုင်ပါတယ်။ casual chat လောက်လုပ်ရင် မမြင်နိုင်တဲ့ အချက်တွေပေါ့နော်။

Conclusion

Introverts တွေက creativity, empathy, နဲ့ thoughtful consideration တွေရှိတဲ့အတွက် UI/UX design field နဲ့ဆိုကိုက်ပါတယ်။ ဘယ် career ရွေးရမှန်းမသိဖြစ်နေတဲ့သူတွေ ရှိရင် ဒါကိုထည့်စဉ်းစားလို့ရပါတယ်။

အေးအေးဆေးဆေး လူတွေနဲ့သိပ်မရောပဲ နေတတ်ကြတယ်။ ဒါပေမယ့် အလုပ်နဲ့ပက်သက်ရင် contribution လုပ်နိုင်တဲ့အချက်တွေက စကားပြောသွားပါလိမ့်မယ်။ Introvert တွေဘယ်လိုအလုပ်လုပ်လဲဆိုတာကို သိထားရင် Extrovert လုပ်ဖော်ကိုင်ဖက်တွေအနေနဲ့လဲ ကျွန်မတို့ရဲ့ မတူညီတဲ့ အမြင်နဲ့ အားသာချက်တွေကို ပိုပြီး appreciate လုပ်နိုင်မယ်ထင်ပါတယ်။

Extroversion ကို အရမ်းတန်ဖိုးထားတဲ့ လောကကြီးမှာ ကျွန်မတို့ Introvert တွေက outgoing ဖြစ်ပြီး ပေါင်းရလွယ်တဲ့ပုံ ဖြစ်မနေပေမယ့် အလုပ်အတွက်နဲ့ အထူးသဖြင့် UI/UX အပိုင်းဆိုရင်တော့ deep empathy and thinking skills တွေရှိတဲ့အတွက် တန်ဖိုးမဖြတ်နိုင်တဲ့ team players တွေဖြစ်နေမှာပါဆိုတာလေး sharing လုပ်ပေးလိုက်ပါတယ်။

ဒီတော့ Colleagues တွေထဲမှာ introverts တွေရှိရင် ဒါမှမဟုတ် ကိုယ်တိုင်က introvert တစ်ယောက်ဆိုရင် အလုပ်မှာတွေ့ကြုံရတဲ့ အချက်လေးတွေကို ဝင်ဆွေးနွေးလို့ရပါတယ်ရှင်။